Ka nisur seanca gjyqësore ndaj Jamarbër Malltezin dhe Fatmir Bektashin, për t’u njohur me rivlerësimin e masës së sigurisë, në lidhje me privatizimin e ish-kompleksit Partizani në kryeqytet.
Seanca ishte përcaktuar të niste në orën 13:30, por u shty për në orën 18:00, pasi pala mbrojtëse kërkoi kohë për shqyrtimin e dosjes hetimore.
Në video shihet momenti kur dhëndri i ish kryeministrit shoqërohet nga makina e policisë dhe një makinë e burgut.
Ndërsa Fatmir Bektashi, për të cilin është vendosur masa detyrim paraqitje është shfaqur në këmbë dhe i buzëqeshur, i shoqëruar nga dy efektivë policie.
Kujtojmë që Malltezi u vu në pranga dy ditë më parë në Aeroportin e Rinasit, teksa ishte duke pritur bashkëshorten që ti vinte nga një vend i BE.
SPAK e akuzon për veprën penale “Korrupsion pasiv të funksionarëve të lartë shtetërore ose të zgjedhurve vendorë”, kryer në bashkëpunim me Sali Berishën, për privatizimin e ish kompleksit Partizani.
Sali Berisha, akuzohet për kryerjen e veprës penale “Korrupsioni pasiv i funksionarëve të larte shteterore ose te zgjedhurve vendore, kryer në bashkëpunim”. Per ish kryeministrin eshte caktuar masa e detyrimit te paraqitjes.